去深圳，除咗去文青Cafe、網紅店打卡；去打邊爐、食乾鍋，仲可以一試南京地道菜。去大陸點可以唔去中國風餐應呢？就等恩恩帶大家去呢間好出名嘅南京大排檔啦！

今次我地去嘅係KKMALL分店，雖然係豪華商埸入面，但南京大排檔一啲都唔貴，性格比好高，味道仲係地道南京口味，令人讚不絕口！

店內裝修行懷舊江南風，通花木門、牆上嘅畫作、一張張木檯櫈、一個個紙燈籠同老南京嘅舊街一樣，充滿江南味道。店員一個個著住馬褂復活服飾穿梭於客人之中，仲請咗師資黎拉二胡唱戲，好特別！

呢度嘅招牌菜係民國美齡粥，據講係宋美齡當年最愛嘅粥，滋補養顏，非常合女仔口味。濃濃豆漿浸住軟軟米粒，仲有淮山同百合，味道香甜，愛美人士必點！

王府泡椒雞，本身以為會辣，放入口竟然係甜嘅！雞皮煎得香脆，再浸入微酸嘅甜醋之中，果然係南京菜，就係要甜！

麻油素乾絲係用麻油調味嘅豆乾絲，睇上去好似一碗麵咁，但口感更特別。豆腐絲切得好幼，湯底有芝麻豬肉雞湯嘅感覺，食得出師傅嘅用心。

蘿蔔絲端子外脆內軟，有少少似蘿蔔糕嘅味道，恩恩係第一次食到呢個菜，用黎送酒一流！

古法糟泥煨豬展咸咗少少，肉質煨得好軟熟，配多碗陽春麵食應該會更好，都幾大份，最好3-4人Share食！

糖醋小排，同上海嘅糖醋排骨又有少少唔同，冇甘酸，恩恩個人就鐘意上海版，大家都可以試下邊一隻合你口味。

佢每季都會有當季菜單、仲有應季美酒，好建議大家嗌返一壺小酌一番。南京大排檔係全國都有分店，係深圳就有兩間，有興趣過黎試吓啦！

南京大牌檔

地址： 深南東路5016號KKMALL京基百納空間3層L325a(近大劇院)

電話： 0755-66867777

營業時間： 週一至週日 11:00-14:00 17:00-22:00